Nunarsuarmiooqataaneq
Artikel 12: Meeqqat isumaasa ataqqineqarnissaat
Artikel 13: Killilersorneqarani oqariartuuteqarsinnaatitaaneq
Artikel 17: Paasissutissanik pissarsisinnaaneq
Artikel 42: Inuit tamarmik meeqqat pisinnaatitaaffii ilisimassavaat
Atuartitsinermut ilitsersuut
![](https://rettighedsskol.wpengine.com/wp-content/uploads/2018/03/blå-pære.png)
Anguniagaq
- Atuartut nunarsuarmi inuit imminnut atanerujartorneranni atukkat suunersut eqqarsaatersuutiginissaat.
- Atuartut innuttaaqataanerup isumaanik paasisaqarnissaat, allaagaluarunillu qanoq issanersoq takorluuisinniarlugit.
- Innuttaaqataanissamut perorsagaaneq.
Piffissaq atugassaq: minutsit 45 - 60
![](https://rettighedsskol.wpengine.com/wp-content/uploads/2018/03/blå-blyant.png)
Atortussat
PAPPIALA (A3) ALLAATISSALLU
![](https://rettighedsskol.wpengine.com/wp-content/uploads/2018/03/blå-blyant.png)
Suliassaq
SULIASSAQ PILLUGU:
Perorsaanermi innuttaaqataanissaq perorsagaanermi anguniagaasarpoq.
Innuttaaqataanermut nassuiaat imaattuusinnaavoq:
”Innutaaqatigisaq tassaavoq kinaluunniit pisinnaatitaaffimminik, pisussaaffimminik akisussaaffimminillu ilisimannittoq, ataatsimoorfinnillu akuuffigisamini akisussaaffimmik tigumminneqataasoq.”*
*(Bo Uggerholt Lauritzen, Medborgerskabspædagogik – undervisning og didaktik, medborger.net, 2011).
PERIUSISSAQ:
Atuartut 3-4-kkaarlugit eqimattanut agguataartinneqassapput.
Eqimattakkuutaarlutik A3-mut oqaatsit 20-t aallaavigalugit 2100-kkunni nunarsuarmiooqataaniaraanni piginnaasanik, ilisimasanik, iliuutsinillu pisariaqartitanik allattuisinneqassapput.
Allattuineq naammassippat atuaqatigiinnut sooq oqaatsinik taakkuninnga toqqaasimanerminik nassuiaatitalinnik saqqummiunneqassapput
Eqqarsaatissiissut: Atuaqatigiit aperikkit oqaatsit allat suut toqqarsimasinnaagaluarneraat, allattukkallu allatut isikkoqarfimassagaluarnersoq nunani allami najugaqarsimagaluarunik?
Assersuutit:
1. Akisussaaffik (avatangiisinut)
2 . Piujuartitsineq (nioqqutissiornermi)
3. Qarasaasiat (inunnik attaveqartitsisuusut)
4. Demokrati (pisinnaatitaaffeqarsinnaatitaaneq)
5. Misigeqaraasinnaaneq (inuit allat inuuneranni pisunik misigeqataasinnaaneq )
….20. Ammasuuneq (inoqatinut, isummanut kulturinullu allanut)
![](https://rettighedsskol.wpengine.com/wp-content/uploads/2017/09/clouds.png)
![Unicef_Rettighedsskole_Logo_B_KAL](https://rettighedsskoler.nakuusa.gl/wp-content/uploads/2021/08/Unicef_Rettighedsskole_Logo_B_KAL.png)