PISINNAATITAAFFIK USSERSUUTIGIUK

• Atuartut artikelip isumaanik nassuiaasinnaanissaa.
• Atuartut artikelinik sammisaminnik erseqqissumik paasisaqalernissaat. 

Atuartut quppernaranni atuartut pisinnaatitaaffiit kortinngorlugit takusinnaavaat. 

Toqqagassat annikigigussigit Meeqat Pillugit Isumaqatigiissummi artikelit tamakkerlugit takusinnaavasi. 

PERIUSISSAQ:

Atuaqatigiit iligiinnut marlunnut avinneqassapput.

Iligiinnit siullerneersup ataatsip korti ataaseq makeriarlugu pisinnaatitaaffik makitani ussersuutigissavaa. Iligisaasa pisinnaatitaaffik sorleq pineqarnersoq eqqoriassavaat.

Nalilersinnaavat ussersortoq ussersornermini niaqquminik anngaallunilu naaggaarsinnaanersoq. Ajornarnerulaassappat aaliangersinnaavutit ussersortussap niaqquni atorlugu anngaasinnaanersoq naaggaarlunilu.

Iligiit eqqoriaanissaminnut minutsit pingasut periarfissaraat.

Pinnguaat naammassissaaq iligiit tamarmik assigiimmik periareerpata piffissaliussarlu ingerlareerpat.

Pinnguarnersi naggaserlugu pisinnaatitaaffiit sorliit ussersuutigissallugit sapernarnerullutillu ajornaannerpaanersut eqqartorsigit – soorlu?